Milljónir í forvarnir gegn kynferðisofbeldi

Ríkið ætlar að verja 25 milljónum króna í vitundarvakningu gegn kynferðislegu ofbeldi á næsta ári. Öll börn í 2. og 10. bekkjum grunnskóla fá fræðslu um kynferðislegt ofbeldi sem og kennarar og annað starfsfólk skóla. Samkvæmt skýrslu Ríkislögreglustjóra um afbrotatölfræði ársins 2010 var tilkynnt um 323 kynferðisbrot árið 2010 sem er 1,6% aukning frá árinu á undan. Flest kynferðisafbrot voru framin á Vestfjörðum sé miðað við íbúafjölda, eða 23 brot á hverja 10.000 íbúa.

„Forvörnum gegn kynferðisofbeldi gegn börnum hefur að mest verið á hendi frjálsra félagasamtaka svo það hefur verið dálítið tilviljanakennt hvaða börn fá fræðslu og hver ekki,“ segir Halla Gunnarsdóttir, aðstoðarmaður innanríkisráðherra í samtali við Fréttablaðið. Til að byrja með verður brúðuleikhús Blátt áfram notað sem fræðsluefni í 2. bekk, en verið er að setja saman teymi sem mun sjá um fræðslu fyrir 10. bekk og starfsfólk skóla.